Sarri synon ta ndihmojë Ronaldon, 'thumbon' papritmas Messin
Trajneri i Juventusit, Maurizio Sarri ka thënë se është me të vërtetë ‘dëshpëruese’ ta shohësh se ka futbollistë që kanë më shumë “Topa të Artë” se super-ylli Cristiano Ronaldo.
Kapiteni i Barcelonës, Lionel Messit e ka një të tillë më shumë se Ronaldo, duke e fituar të gjashtin në dhjetor, shkruan Zëri.info.
Rezultati erdhi pavarësisht se Ronaldo e ndihmoi Juventusin ta fitojë titullin e tetë me radhë të Serie A dhe Portugalinë ta fitojë Ligën e Kombeve.
Sarri është i përcaktuar te Ronaldo, duke e lavdëruar portugezin pas fitores 4:0 mbrëmë ndaj Udineses në Kupën e Italisë.
“Do të doja që për herë të parë, Ronaldo ta fitonte “Topin e Artë” të gjashtë”, ka thënë Sarri për gazetarët.
“Është dëshpëruese ta mendosh se ka dikush tjetër që e ka fituar këtë çmim më shumë se Ronaldo. Unë mendoj për të dhe ta ndihmoj atë”, vlerësoi më tej Sarri.
Ndryshe, Ronaldo e ka fituar pesë herë këtë çmim, kurse Leo Messi gjashtë herë./Zëri.info