Kandidati për deputet i AAK-së takohet me qytetarë të Komunës së Deçanit
Kandidati për deputet nga radhët e Aleancës për Ardhmërinë Kosovës (AAK), Muhamet Kelmendi i cili njëherëshit është edhe zëvendësministër i Ministrisë së Arsimit Shkencës dhe Teknologjisë (MAShT), është takuar sot me banorë të fshatit Shaptej.
“Në Deçan, kandidati për deputet i AAK-së zëvendësministri i Arsimit Muhamet Kelmendi, qëndroi në selinë e AAK-së në Deçan, ku ishte prezent edhe kryetari i komunës z.Bashkim Ramosaj, u takuam me qytetarët e fshatit Shaptej dhe më gjerë”, thuhet në njoftim.
Ndër tjera thuhet se “Kryetari i komunës i njoftoi qytetarët mbi problemet që i ka Deçani. Zëvendësministri i Arsimit Muhamet Kelmendi foli për arsimin, shëndetësinë, punësimin dhe kërkoj që të votohet AAK si faktori kryesor për mbrojtjen e shtetit të Kosovës”.
“Njëzërit u dha mendimi nga qytetarët për të vazhduar punë për Kosovën 100% shtet”, thuhet në njoftimin.