Daçiq parashikon dështime të reja për Kosovën

Daçiq parashikon dështime të reja për Kosovën

Aktuale shkurt 11, 2019 - 11:22
Lexo lajmet e fundit nga vendi!

Ministri i Punëve të Jashtme i Serbisë, Ivica Daçiq parashikon dështime të reja për Kosovën.

Ministri i Punëve të Jashtme i Serbisë, Ivica Daçiq beson se Kosova do të dështojë me aplikimet e ardhshme në asociacionet ndërkombëtare.

Në një prononcim për “TV Pink”, ai ka thënë se ka interes se çfarë do të ndodhë në zgjedhjet e ardhshme në Shtetet e Bashkuara të Amerikës, nëse do të kthehet në qeverisë administrata e përshtatshme për interesat e Serbisë.

“Ajo administratë nuk ka qenë kur ishin Obama dhe Clinton”, deklaroi Daçiq. Ai parasheh se rikthimi i Joe Biden do të ishte i mirë për interesat e Serbisë. Daçiq theksoi se duhet të shfrytëzohet situata kur faktorët janë në favor.

“Për ne edhe kjo është opsion, pritja”, shtoi ai derisa beson se Kosova kurrë nuk do të bëhet anëtare e INTERPOL-it, UNESCO-së dhe Kombeve të Bashkuara.

Duke i komentuar deklaratat e liderëve kosovarë për korrigjimin e kufijve, ai tha se ajo nuk sjellë zgjidhje.

Daçiq po ashtu beson se numri i shteteve anëtare të OKB-së që e kanë njohur Kosovën do të zbresë në gjysmë. “Kjo sjellë një pasqyrë të re, andaj në Prishtinë nuk do të mund të ndërmarrin asnjë vendim politik pa marrëveshje me Beogradin”, theksoi ai. /Lajmi.net