Krasniqi: Nisma nuk vendos vija të kuqe për asnjë parti që mund t’i fitojë zgjedhjet

Krasniqi: Nisma nuk vendos vija të kuqe për asnjë parti që mund t’i fitojë zgjedhjet

Aktuale August 18, 2019 - 22:15
Lexo Detajet

Jakup Krasniqi, nga Nisma Social Demokrate, ka bërë të ditur se nuk kanë vija të kuqe për partitë që fitojnë zgjedhjet.

Kryetari i Këshillit Kombëtar të Nismës Social Demokrate, Jakup Krasniqi, ka thënë se të gjitha rrethanat tregojnë që ky subjekt politik do të shkojë i vetëm në zgjedhje.

Në një intervistë dhënë për gazetën “Epoka e Re”, Krasniqi ka thënë po ashtu se, bazuar në deklarimet e partive politike, shpërndarja e Kuvendit dhe zgjedhjet e parakohshme nuk kanë alternativë. Sipas tij, ka pak ose hiq gjasa për formimin e një qeverie teknike.

Krasniqi në këtë intervistë ka bërë të ditur se Nisma do të garojë e vetme në zgjedhjet e parakohshme.

Ai po ashtu ka treguar se në këto zgjedhje presin që qytetarët ta vlerësojnë punën e Nismës në qeverisje dhe programin e saj zgjedhor socialdemokrat.

Sipas Krasniqit, Nisma nuk vendos vija të kuqe për asnjë parti që mund t’i fitojë zgjedhjet.

Ai ka shprehur bindjen se ndryshimi në Kosovë vjen me Nismën Socialdemokrate.