Krasniqi: Absolutisht do t'i kishim rifituar këta deputetë edhe pa koalicion me AAK-në, por ne e duam fitoren

Krasniqi: Absolutisht do t'i kishim rifituar këta deputetë edhe pa koalicion me AAK-në, por ne e duam fitoren

Aktuale gusht 19, 2019 - 18:21
Detajet

Frashër Krasniqi, anëtar i kryesisë së Partisë Socialdemokrat u shpreh optimist për fitore në zgjedhjet e parakohshme.

Krasniqi në Klan Kosova deklaroi se PSD-ja do ta kalonte pragun edhe si e vetme por se e do fitoren.

“Absolutisht kemi mundur të shkojmë vet, ta kalojmë pragun dhe ta marrim numrin e deputeteve që e kemi. Por, për PSD-në është e rëndësishme të krijojë koalicion të fitores”.

Krasniqi theksoi se e rëndësishme për koalicionin AAK-PSD është që në asnjë forme të mos jetë pjesë e koalicionit Partia Demokratike e Kosovës.
“Do t’i vazhdojmë përpjekjet qe ne këtë koalicion të përfshihen edhe subjekte tjera politike si dhe figura nga shoqëria civile”.

“Është hera e parë që PDK-ja është defaktorizu si rezultat i një qeverie të caktuar që ka ndërmarrë disa veprime si rezultat i konstruktivitetit të PSD-së” tha Frashër Krasniqi.

Ai foli edhe për reagimet e Vetëvendosjes pas marrëveshjes AAK-PSD, qe sipas tij vijnë ngaqë kjo parti “i është frikësuar me se shumti këtij koalicioni.

“E kanë të qartë që janë duke luftuar për vendin e tretë ose të katërt. Andaj po i luten LDK-së”.