Vijnë paralajmërimet e para për koalicionin LDK - Vetëvendosje
Disa zyrtarë të Lidhjes Demokratike të Kosovës, kanë filluar mëngjesin e sotëm që të postojnë fotografi ku shihen me gazetë në dorë, ku në ballinë të saj, është lajmi “LDK-VV, mes konsultave dhe ultimatumeve”.
Kryetari i Vushtrris Xhafer Tahiri i cili i takon kësaj partie në mbishkrimin e fotos së tij ka përdorur disa fjalë të cilat në zgjedhjet e kaluara kanë qënë në slloganin e Lëvizjes Vetëvendosje “ Me mendje e me Zemër”.
“Ndryshimin e bëjmë bashkë, me dije dhe me zemër, pa bajraktarizëm por me vullnetin e qytetarit”, ka shkruar Tahiri.
Se a po paralajmron LDK një koalicion me Lëvizjen Vetëvendosje mbete të shihet.
Ditëve të fundit zyrtarë të të dyja partive janë deklaruar pro këtij koalicioni dhe se një koalicion i tillë është shpres për vendin.