Kalaja e Novobërdës rrezikohet nga punimet e kompanisë serbe, reagon Lidhja e Historianëve

Kalaja e Novobërdës rrezikohet nga punimet e kompanisë serbe, reagon Lidhja e Historianëve

Aktuale shtator 20, 2019 - 16:28
Detajet

Lidhja e Historianëve të Kosovës “Ali Hadri” dega në Deçan, ka reaguar lidhur me dëmet e shkaktuara në Kalanë e Novobërdës dhe lidhur me lejimin e kompanisë serbe që kryejë punime në këtë pasuri të shtetit.

“… me shqetësim të madhe ka përcjellë situatën rreth dëmeve të shkaktuar në Kalanë e Novobërdës. Kalaja e Novobërdës, është një lokalitet i rëndësishëm i historisë dhe trashegimisë kulturore të shqiptarëve të Kosovës. Shteti i Kosovës, gjegjësisht Ministria e Kulturës, Rinisë dhe Sportit si dhe organet tjera që merren më mbrojtjen e trashëgimisë kulturore në Kosovë, janë fajtorët kryesore që kam lejuar që një kompani serbe të kryejnë punime në këtë pasuri të shtetit tonë”, thuhet në reagimin e tyre.

LHK “Ali Hadri” dega në Deçan, kërkon urgjentisht që shteti i jonë të e marrë situatën në duar, në të kundërte shumë seriozisht do të rrezikohet Kalaja e Novobërdës dhe pesha e demet do të bie mbi autoritete shtetërore të Kosovës.