Mitrovica, i vetmi qytet që nuk u dekorua ende për festa

Komuna e Mitrovicës ende nuk e ka dekoruar qytetin për festat e fundvitit.

Ndonëse të gjithë qytetet e tjera të Kosovës kanë zbukuruar sheshet dhe rrugët, Mitrovica nuk ka bërë asnjë hap të tillë.

Lidhur me këtë sjellje të Komunës po reagojnë shumë qytetarë e pjesëtarë të shoqërisë civile. Ata po kërkojnë që Komuna të dekorojë qytetin.

Sidoqoftë, deri tani nuk dihet arsyeja pse Komuna e ka lënë anash këtë çështje, ani pse vitin e shkuar një gjë e tillë ishte bërë.