Infektuar: 1123
Shëruar: 847
Vdekur: 30
 Thaçi: 21 vjet pas Masakrës së Izbicës, askush nuk doli para drejtësisë

Thaçi: 21 vjet pas Masakrës së Izbicës, askush nuk doli para drejtësisë

Aktuale March 28, 2020 - 09:44

Presidenti Hashim Thaçi ka përkujtuar Masakrën e Izbicës të kryer më 28 mars 1999 nga forcat policore dhe ushtarake serbe.

Ai ka shkruar se Masakra e Izbicës hyn në radhën e krimeve më të rënda të shtetit të Serbisë dhe 21 vjet pas askush nga ekzekutuesit serbë nuk doli para drejtësisë.

“Masakra e Izbicës hyn në radhën e krimeve më të rënda të shtetit të Serbisë, ku vrasja masive, përdhosja e trupave dhe varrimi i tyre, përmes pamjeve satelitore, u bë lajm botëror. Në mesin e të vrarëve kishte edhe persona të rrethit tim familjar. Sot , 21 vjet pas këtij krimi askush nga autorët dhe ekzekutuesit serbë nuk doli para drejtësisë vendore dhe asaj ndërkombëtare”, ka shkruar ai.