Infektuar: 4715
Shëruar: 2227
Vdekur: 101
Konfirmohet rasti i parë me COVID-19 në Sarandë

Konfirmohet rasti i parë me COVID-19 në Sarandë

Aktuale May 29, 2020 - 10:18

Në Sarandë është konfirmuar rasti i parë pozitiv me COVID-19.

Bëhet fjalë për një shtetase 33-vjeçare nga Ukraina, banore e Tiranës, e cila kishte shkuar në Sarandë.

Gruaja u paraqit në Urgjencën e Spitalit të Sarandës pas shqetësimeve shëndetësore, e shoqëruar nga partneri i saj dhe pas testimit të kryer rezultoi pozitive. Rasti sipas mjekëve ishte izoluar menjëherë në mbërritje, sepse ishte shumë i dyshimtë dhe sot në mëngjes është transportuar drejt spitalit infektiv COVID-19 në Tiranë.

3 veta, personel shëndetësor, që kanë pasur kontakt me këtë paciente, janë vetizoluar në banesat e tyre. Shërbimi epidemiologjik është duke u përpjekur të identifikojë kontaktet e tjera të çiftit ukrainas në Sarandë, transmeton TCH-ja.

Gjithashtu është duke u gjurmuar itinerari i tyre, ndalesat dhe koha e qëndrimit në Sarandë. ISHP-ja në Tiranë gjithashtu po gjurmon mbi kontaktet që mund të kenë infektuar 33-vjeçaren në kryeqytet.