Sqarohet MBP-ja, njofton se KQZ-ja ka marrë veturat për shfrytëzim vetëm gjatë procesit zgjedhor
Ministria e Punëve të Brendshme ka sqaruar arsyen e qarkullimit të vetuarve të MPB-së gjatë procesit electoral në Podujevë dhe Mitrovicë.
Përmes një komunikate për medie, ministria ka njoftuar se dhënia e veturave është një praktikë që gjatë zgjedhje kërkohet nga KQZ-ja.
“Me këtë rast ju njoftojmë se veturat e Ministrisë së Punëve të Brendshme janë dhënë
në shfrytëzim për Komisionin Qendror të Zgjedhjeve për organizmin e zgjedhjeve.
Ju bëjmë me dije se kjo është një praktikë që gjatë organizmit të zgjedhjeve në Kosovë,
KQZ, kërkon nga Ministria e Administratës Publike, mbështetje me vetura për
organizmin të zgjedhjeve”, thuhet në komunikatën e MPB-së.
Theksohet se këto vetura janë dhënë me miratimin e Sekretarit të Përgjithshëm të MPB-së, Lulzim Ejupi.
“Tashmë meqë ish-Ministria e Administratës Publike është shuar në Ministrisë e Punëve të Brendshme, është përgjegjësi e MPB-së që t’iu jep në shfrytëzim vetuat për KQZ-në.
Ju njoftomë se këto vetura janë dhënë në shfrytëzim me miratimin e Sekretarit të
Përgjithshëm të MPB-së, z. Lulzim Ejupi”, thuhet në komunikatë./Zëri