Dritan Abazoviq: Në Srebrenicë ka ndodhur gjenocid

Zëvendëskryeministri i Malit të Zi, Dritan Abazoviq, ka reaguar ashpër ndaj deklaratës së ministrit të Drejtësisë dhe Pakicave në këtë shtet, Vladimir Leposaviq, i cili pyetjes nëse ishte i gatshëm të pranonte që në Srebrenicë ka ndodhur gjenocid iu përgjigj, duke thënë se nuk mund të njihte një ngjarje “për të cilën nuk ka njohuri”.

Leposaviqi u shpreh se do t’i pranonte krimet në Srebrenicë “kur kjo të vërtetohet përtej çdo dyshimi”.

Pas reagimit të Bashkimit Evropian, ka reaguar edhe Abazoviqi përmes një shkrimi në Twitter.

Ai ka thënë se në Srebrenicë ka pasur gjenocid e se Qeveria e Malit të Zi i respekton të gjitha gjyqet ndërkombëtare.

Siç ka shkruar Abazoviqi, për gjenocidin serb të kryer në Srebrenicë ka edhe vendime të gjykatave ndërkombëtare dhe sipas tij kjo pikë as që duhet të diskutohet, meqë Qeveria e Malit të Zi i respekton të gjitha vendimet e gjykatave ndërkombëtare.

Abazoviqi tutje thotë se kush s’e kupton një gjë të tillë, s’ka vend në institucione.

U Srebrenici se dogodio genocid. @VladaCG poštuje sve meëunarodne presude. Oko ove teme nema diskusije. Ko ovo ne razumije, nije mu mjesto na drëavnim funkcijama.

Okrenimo se buduënosti, ëeka nas mnogo posla!ë

— Dr Dritan Abazovic (@DritanAbazovic) March 30, 2021

“Në Srebrenicë ka pasur gjenocid. Qeveria e Malit të Zi respekton të gjitha gjykimet ndërkombëtare. Në këtë pikë s'ka çfarë diskutohet. Kush nuk e kupton këtë gjë, s’ka vend në institucione e në funksione shtetërore. Le të shohim nga e ardhmja, kemi shumë punë për të bërë”, ka shkruar Abazoviqi. /GazetaExpress