Gorani: Qeveria “Kurti” është e detyruar ta pranojë kompromisin

Njohësi i çështjeve të dialogut, Dukagjin Gorani, po vlerëson se Qeveria Kurti, është e detyruar të pranojë kompromise në çështjen e përmbylljes së marrëveshjes finale mes Kosovës e Serbisë.

Madje ai thotë në Rubikon se nëse nuk ka ndonjë ofertë tjetër, nga ndërkombëtarët do detyrohen ta pranojnë edhe formimin e Asociacionit të Komunave me shumicë serbe.

”Kjo Qeveri është e detyruar ta pranojë kompromisin edhe në mungesë të opsioneve të tjera, me e pranu Asociacionin”.

”Natyrisht ky s’është fundi i tërë procesit”.

”Çfarëdo zgjidhje në Bruksel duhet ta ketë mbështetjen e Kuvendit. Aty duhet dy të tretat”.

”Prej diskutimeve të hershme të opozitës parlamentare shihet që ata se kanë ndërmend të jenë në këtë proces. Por krejt ne e dimë procedurën edhe rutinën qysh Bashkësia Ndërkombëtare më në fund e ndërton një diskurs edhe hegjomenizues por edhe nënshtrues që është i nevojshëm”, njofton Klan Kosova.

”E kemi parë edhe më herët, edhe gjatë procesit të Demarkacionin, partitë parlamentare opozitare që përbehen edhe sot që se kanë ndërmend të shkojnë ta formojnë Asociacionin, do të detyrohen përmes ndikimeve ndërkombëtare që ta çojnë dorën e të arrijnë dy të tretat, mu bë ndryshimet kushtetuese e me formu Asociacionin”.

Këto 8 vjet, janë humb. Kjo punë ka mund të kryhet shumë më herët. Mirëpo të ish kry para tetë vjetësh, se kishim pasur këtë cirkuz pushtetor. E kemi pasur një dramë të pushimeve e ndryshimeve të pushtetit. Nuk ka ndejtë kot ky vend.