Presidenti Meta dekreton qeverinë e re “Rama 3”

Presidenti Meta dekreton qeverinë e re “Rama 3”

Aktuale September 14, 2021 - 20:49

Presidenti, Ilir Meta ka dekretuar qeverinë “Rama 3” një ditë pasi mori konfirmimin nga Prokuroria e Përgjithshme se asnjë nga 16 ministrat nuk është person nën hetim.

Dekretimi i qeverisë së re nga kreu i shtetit, i hap rrugën votimit në Parlament për secilin anëtar të kabinetit qeveritar bashkë me kryeministrin, Edi Rama.

Partia Socialiste siguroi mandatin e tretë qeverisës pas fitores në zgjedhjet parlamentare të 25 qershorit. PS arriti të merrte 74 mandate ndërsa për miratimin e qeverisë së re do t’i nevojiten 71 vota.

Socialistët e drejtuar nga Edi Rama qeverisin në vendi që prej vitit 2013 dhe arritja e një mandati të tretë radhazi është hera e parë që ndodh në Shqipërinë pluraliste. /euronewsal

Përbërja e Këshillit të Ministrave:

1) Edi Rama– Kryeministër;

2) Arben Ahmetaj – Zv.skryeministër dhe ministër i Shtetit për Rindërtimin dhe Programin e Reformave;

3) Olta Xhaçka – Ministër për Evropën dhe Punët e Jashtme;

4) Niko Peleshi – Ministër i Mbrojtjes;

5)  Bledar Çuçi – Ministër i Brendshëm;

6) Delina Ibrahimaj– Ministër i Financave dhe Ekonomisë;

7) Belinda Balluku – Ministër i Infrastrukturës dhe Energjisë;

8) Evis Kushi – Ministër i Arsimit dhe Sportit;

9) Ulsi Manja – Ministër i Drejtësisë;

10) Elva Margariti – Ministër i Kulturës;

11)  Frida Krifca – Ministër i Bujqësisë dhe Zhvillimit Rural;

12) Ogerta Manastirliu – Ministër i Shëndetësisë dhe Mbrojtjes Sociale;

13) Mirela Kumbaro Furxhi – Ministër i Turizmit dhe Mjedisit;

14) Elisa Spiropali – Ministër i Shtetit për Marrëdhëniet me Parlamentin;

15) Edona Bilali – Ministër i Shtetit për Mbrojtjen e Sipërmarrjes;

16) Bora Muzhaqi – Ministër i Shtetit për Rininë dhe Fëmijët;

17) Milva Ekonomi – Ministër i Shtetit për Standardet e Shërbimeve.