Deputeti gjerman për aplikimin e Kosovës në KE: Të vendoset në agjendë të këtij këshilli

Ditë më parë Qeveria e Kosovës njoftoi se ka aplikuar për anëtarësim në Këshillin e Evropës.

Kjo gjë bëri bujë të madhe, sidomos në Serbi, nga ku anëtarësimin e Kosovës në Këshillin e Evropës e panë si kërcënim.

Pavarësisht kësaj, disa nga shtetet perëndimore e përkrahën iniciativën e Kosovës për anëtarësim në KE.

Edhe deputeti gjerman Knut Abraham u ka bërë thirrje ministrave të këtij këshilli që çështjen e Kosovës ta vendosin në agjendën e takimit të radhës.

“Koha për të vepruar: I bëj thirrje Qeverisë italiane ta vendosë në agjendë propozimin e Kosovës, në mënyrë që të diskutohet në Komitetin e Ministrave të Këshillit të Evropës në Torino, që mbahet të premten. Ky është momenti i duhur që duhet të përdoret tani”, shkroi ai në Twitter. /Zëri

Zeit zu handeln: Ich appelliere an die italienische Regierung, den Antrag Kosovos jetzt auf die Tagesordnung zu setzen, damit er am Freitag im Ministerkomitee des Europarats in Turin besprochen werden kann. Der richtige Moment muss jetzt genutzt werden. @CoE @coe_ita

— Knut Abraham, MdB (@Knut_Abraham) May 16, 2022