Tragjedia në Himarë trazon politikën në Shqipëri: Kërkohet dorëheqja e dy ministrave dhe Drejtorit të Policisë

Tragjedia në Himarë trazon politikën në Shqipëri: Kërkohet dorëheqja e dy ministrave dhe Drejtorit të Policisë

Aktuale August 02, 2022 - 22:12

Qytetarët në Tiranë kanë ndezur qirinj te kryeministria në shenjë homazhi për 7-vjeçaren që humbi jetën në Himarë, pasi u godit nga skafi i drejtuar nga polici Arjan Tase.

Ata kanë kërkuar dorëheqjen e Ministrit të Brendshëm, Bledi Çuçi, Drejtorit të Përgjithshëm të Policisë së Shtetit zoti Gledis Nano dhe Ministres se Turizmit dhe Mjedisit Mirela Kumbaro.

Po ashtu, ata kanë shprehur ngushëllimet për familjen e 7-vjeçares, për të kaluar dhimbjen e thellë që ka tronditur çdo shqiptar.

Reagimi:

Në orën 20:00 qytetarët ndezën qirinj tek Kryministria si Homazh për 7 vjeçaren që humbi jetën si pasojë e krimit shtetëror në Plazhet e Vdekjes.

Tek Kryeministria pas ngjarjes makabre te kryer nga një punonjës me detyra te larta në Policinë e Shtetit, i cili vrau me skaf një vajzë 7 vjeçe ne breg të detit.

Hajdeni të kërkojmë dhe tregojmë se kush është përgjegjësi dhe te kërkojmë ne dritën e qirinjve, me një buqete lulesh, me një mesazh ne një cope letër, pak dinjitet për veten, se e pafajshmja u largua…

Ngushellime familjes Avdia për humbjen e dritës së tyre, zoti ju dhëntë forcë për të kaluar këtë dhimbje që ka tronditur thellë çdo bashkombas. Zoti qoftë me ju, e shpirti i engjëllit tuaj u prehtë qiell! /telegrafi