Selmanaj kundër lejimit të shamisë për vajzat e mitura: Cenohen themelet e demokracisë kushtetuese

Selmanaj kundër lejimit të shamisë për vajzat e mitura: Cenohen themelet e demokracisë kushtetuese

Aktuale August 12, 2022 - 11:51

Deputeti i LDK-së, Driton Selmanaj, ka thënë se është kundër lejimit të shamisë për vajzat e mitura në shkolla publike.

Sipas tij, Republika e Kosovës është shtet laik dhe neutral në çështje të besimeve fetare.

Ai përmes një postimi në rrjetin social Facebook ka theksuar edhe Nenin 8 të Kushtetutës së Kosovës, ku thuhet se Kosova është shtet laik, raporton Zeri.info.

Selmanaj thotë se kushdo që e cenon këtë normë kushtetuese ka cenuar themelet e demokracisë.

“Kushtetuta e Republikës së Kosovës: Neni 8 [Shteti Laik] Republika e Kosovës është shtet laik dhe neutral në çështje të besimeve fetare. Kushdo që me injorancë apo qëllime tjera perfide cenon këtë normë kushtetuese, atëherë ka cenuar themelet e Demokracisë Kushtetuese të vendit tone”, ka shkruar Selmanaj. /Zëri