Osmani pranon letrat kredenciale nga ambasadori jorezident i Tajlandës

Osmani pranon letrat kredenciale nga ambasadori jorezident i Tajlandës

Aktuale October 03, 2022 - 15:25

Presidentja e Kosovës, Vjosa Osmani-Sadriu, sot ka pranuar letrat kredenciale nga ambasadori jorezident i Tajlandës, Nipon Petchpornprapas, të cilit i ka uruar mirëseardhje.

Presidenca ka njoftuar se në takim është diskutuar për marrëdhëniet bilaterale, si dhe zhvillimet politike në Kosovë, rajon e më gjerë.

“Presidentja Osmani vlerëson se Tajlanda është një partner i fortë bilateral dhe aleat i Kosovës dhe falënderon ambasadorin për mbështetjen e deritashme nga shteti i tij”, thuhet në njoftim.

Sipas presidentes, Kosova është e interesuar për forcimin e marrëdhënieve tregtare me Tajlandën.

Osmani dhe ambasadori Petchpornprapas në takim kanë diskutuar edhe për thellimin e raporteve në sfera të ndryshme, përfshirë tregtinë, turizmin e kulturën. /Zëri