Avdyli: Greva shihet se ka pasur prapavijë politike, por mësimdhënësit duhet të paguhen
Aktuale
October 03, 2022 - 22:26
Deputeti i Listës “Guxo”, Haxhi Avdyli ka thënë se pagat duhet të ekzekutohen për mësimdhënësit grevistë.
Sipas tij greva ka pasur prapavijë politike dhe se udhëheqësit e SBASHK-ut kanë devijuar nga idetë sindikale.
“Për hirë të arsimit,nxënësëve arsimtarëve të ndershëm, familjeve të tyre por edhe qytetarëve që duan qetësi në institucione e cilësi në arsim, sot i bashkohem thirrjes për leshimin e pagave për mësimdhenësit grevistë”, u shpreh ai.
Avdyli më tej ka thënë se ky duhet të jetë një mësim i mirë për të gjithë ata që deshën ta manipulojnë grevën se duhet të mbajnë duartë largë nga arsimi.
“E gjatë vitit shkollor duhet të shikohet mundësia e zëvendësimit të orëve të humbura për aq sa ka mundësi”, shkroi ai. /Zëri