Deputetja britanike e quan Daçiqin “Sloba i vogël”, s’kërkoi falje për krimet seksuale gjatë luftërave
Skandali me prezencën e ministrit të Jashtëm të Serbisë në një konferencës për viktimat e dhunës seksuale në Londër ka nxitur edhe reagimin e një deputeteje britanike.
Pas protestës së ministres së Jashtme të Kosovës, Donika Gërvalla, reagimi i britanikes, Alicia Kearns ka qenë edhe më i ashpër.
“Kjo është bërë keq dhe gabim” ka thënë ajo lidhur me ftesën e Daçiqit në këtë konferencë, duke e quajtur edhe si “Slloba i vogël”.
“Regjimi i Millosheviçit pa përdhunimin e 25,000+ grave muslimane me krime të industrializuara seksuale të luftës në kampet e përdhunimeve. ‘Sloba i vogël’, pseudonimi i Ivica Daçiqit, nuk ka kërkuar kurrë falje për krimet seksuale të luftës të regjimit për të cilin ishte propagandues” ka shkruar ajo në Twitter.
This was badly done, and wrong.
— Alicia Kearns MP (@aliciakearns) November 28, 2022
Miloševië's regime saw the rape of 25,000+ Muslim women with industrialised sexual war crimes in rape camps.
'Little Sloba', Ivica Dacic's nickname, has never apologised for the sexual war crimes of the regime he was the propagandist for. https://t.co/VQ9nq50fCb
