Vuçiq: Serbët s’duhet të shqetësohen, ne nuk nënshkruam asgjë

Presidenti i Serbisë, Aleksandar Vuçiq, tha se Serbia po përballet me një periudhë të vështirë, por populli nuk duhet të shqetësohet, sepse, siç theksoi ai, asgjë nuk është nënshkruar.

Në një postim në Twitter, Vuçiqi ka theksuar se do të duhet më shumë përpjekje, punë dhe energji dhe mbi të gjitha unitet.

“Kemi nevojë për paqe dhe një qasje të përgjegjshme. Populli nuk ka pse të shqetësohet, sepse ne nuk kemi firmosur asgjë, as inicialet nuk i kemi askund. Gjithsesi, ne po përballemi me një periudhë të vështirë dhe do të kemi nevojë për më shumë përpjekje, punë dhe energji, mbi të gjitha unitet”, tha Vuçiqi.