Dy studentë italianë përdhunojnë një vajzë të dehur në Londër – mjeku tha se të tilla lëndime nuk kishte parë në gjithë karrierën e tij
Disa pamje të kamerave të sigurisë thuhet se tregojnë momentin kur dy studentë të pasur italianë përshëndetin njëri-tjetrin, pasi kishin përdhunuar një vajzë në dhomën e mirëmbajtjes së një klubi nate në Londër.
Sipas DailyMail, përcjell Telegrafi, vetëm gjashtë minuta pasi vajza 25-vjeçare u takua me Ferdinando Orlando, 25 vjeç dhe Lorenzo Costanzo, 26 vjeç, në Toy Room Club nën Palladiumin e Londrës, ata po bënin seks në dhomën anësore pranë tualeteve.
Orlando aktualisht po studion një diplomë pasuniversitare në të drejtën ndërkombëtare dhe Costanzo po merr një diplomë master në biznes dhe menaxhim.
Lorenzo Costanzo (majtas) dhe Ferdinando Orlando (djathtas) tani janë dënuar për përdhunim
Dyshja u dënuan unanimisht për dy akuza për përdhunim, pasi një juri dëgjoi se gruaja ishte shumë e dehur për të pranuar seksin.
Ndërsa Gjykatësi Giles Curtis-Raleigh paralajmëroi palën: ‘Akuzat e këtij lloji tërheqin një dënim të konsiderueshëm me burgim’.
Policia ka publikuar pamjet e dhomës së mirëmbajtjes, ku ndodhi përdhunimi
Viktima thuhet se pësoi lëndime të rënda gjatë sulmit dhe i duheshin 230 ml gjak.
Gjykata dëgjoi se gruaja ishte shumë e dehur për t’u pajtuar dhe u plagos rëndë në incident
Një mjek raportoi se ai kurrë nuk kishte parë një lëndim të tillë, në rreth 2,000 ekzaminime të ngjashme, gjatë karrierës së tij.
Të dy studentët u përfaqësuan nga një ekip i shtrenjtë i mbrojtjes i cili supozohet se mund të ishte financuar nga një anëtar i pasur i familjes në Itali.
