Talibanët vrasin 13 pjesëtarë të forcave të sigurisë në Afganistan
Së paku 13 pjesëtarë të forcave të armatosura afgane janë vrarë gjatë një sulmi të talibanëve në një pikë kontrolli në provincën veriore të Kunduz-it.
Safirullah Amiri, anëtar i Këshillit Provincial, tha se militantët e nisën këtë sulm gjatë natës në distriktin Dasht-e Archi.
Tetë ushtarë dhe së paku katër policë u plagosën gjatë luftimeve me talibanët, ndërsa së paku tre të tjerë janë marrë peng nga talibanët, shkruan “Free Europe”, transmeton Gazeta Express.
Guvernatori i këtij distrikti, Saduddin Sayyed, tha se përleshja e armatosur ka vazhduar deri në mëngjes dhe se talibanët kanë rrëmbyer armë nga pika e kontrollit.
Përgjegjësinë për këtë sulm e morën talibanët. Sulmi ndodhi vetëm një ditë pas vrasjes së dhjetë policëve në një stacion policor në provincën Baghlan.
Ndërkohë forcat speciale afgane i liruan 62 pjesëtarë të forcave të sigurisë nga një burg i talibanëve përmes një operacioni që u zhvillua natën e kaluar.