Sërish shifra tronditëse nga Italia: 760 vdekje gjatë 24 orëve të fundit
Bota
April 02, 2020 - 18:31
Italia regjistroi 24 orët e fundit 760 jetë të humbura duke e çuar në 13.915 numrin e përgjithshëm të viktimave nga koronavirusi.
Raportohet se këto 24 orë janë edhe 4.668 të infektuar më shumë duke e çuar në 115 242 numrin total të të prekurve.
Lombardia që është rajoni më i prekur regjistron 367 vdekje gjatë orëve të fundit.
4053 po kurohen në terapi intensive, 28.540 ndodhen në spital e 50.456 në kushte izolimi shtëpiak. Deri më sot janë në total 18.278 pacientë të shëruar.
Çdo ditë, Italia shënon shifra tronditëse dhe mbetet shteti më i infektuar në Evropë.