Rreth 600 punëtorë shëndetësorë kanë vdekur nga Covid-19 në ShBA

Gati 600 punëtorë shëndetësorë kanë vdekur nga koronavirusi në Shtetet e Bashkuara. Në këtë shifër përfshihen mjekë, infermierë dhe ndihmës.

Shumica e personave të vdekur janë njerëz me ngjyrë, kryesisht me prejardhje afrikane dhe aziatike. Hollësi të reja për viktimat pritet të publikohen në ditët në vazhdim nga gazeta “The Guardian”.

Më saktësisht, në data-bazën e të dhënave në projektin “Lost on the Frontline” gjendjen emrat e 586 personave që kanë vdekur gjatë përballjes me sëmundjen e re në vijën e parë të frontit.

Me këtë projekt po synohet që të vihen në pah rrëfimet njerëzore të heroizmit që gjendet pas statistikave. Asnjëri nga këta punëtorët shëndetësorë nuk e ka filluar vitin duke menduar se thjesht shkuarja në punë do t’i ekspozonte ndaj një virusi që do të mund t’i vriste.

Kur kriza erdhi, ata u ballafaquan me sfidën. Qëndruan në punë për orë të gjata. Punëtorët e emergjencës nguteshin për t’u dalë në ndihmë njerëzve.

Susana Pabatao, një nga mijëra filipinaset që punon në sektorin e shëndetësisë në ShBA, u bë infermiere në të dyzetat. Ajo vdiq vetëm disa ditë pas bashkëshortit, Alfredo, i cili gjithashtu u infektuar me Covid-19.

Ndryshe, Shtetet e Bashkuara e kanë numrin më të lartë të viktimave dhe të infektuarve me koronavirus në mbarë botën.