Arrestohet kryetari i Ulqinit dhe disa zyrtarë tjerë komunalë
Pesë persona janë arrestuar, në mesin e të cilëve edhe kryetari i komunës së Ulqinit, Loro Nrekiqi, me urdhër të Prokurorisë Themelore të Shtetit në Ulqin.
Veç Nrekiqit, janë arrestuar edhe Sead Osmanoviq, sekretar i Sekretariatit për financa në komunën e Ulqinit dhe shefi i Bordit Komunal të Partisë Demokratike të Socialistëve (DPS) në Ulqin; Mustafa Gorana, Sekretar i Sekretariatit për Shërbime Komunale dhe Mbrojtjen e Mjedisit; Saubih Mehmeti, Drejtor i Shërbimit të Mbrojtjes dhe Shpëtimit; Milazim Mustafa, Sekretar i Policisë Komunale dhe ish-Kryetar i Asamblesë Komunale të Ulqinit.
Siç merr vesh gazeta malazeze “Vijesti”, ata janë arrestuar në lidhje me dyshimet për punësime partiake.
Sipas informatave të gazetës, prokuroria i akuzon ata për pakujdesi në shërbim. /Zëri