Një i vdekur dhe dy të plagosur në të shtënat në një dyqan ushqimesh në New York

Sipas policisë amerikane, të paktën një person është vrarë dhe dy të tjerë janë plagosur në të shtënat në një dyqan ushqimesh në New York.

Policia e kontit Nassau në rrjetet sociale njoftoi se personi i përfshirë në të shtënat në ‘Stop and Shop’ në zonën West Hempstead është 30-vjeçari Gabriel Dewitt Wilson.

“Ai është afërsisht 6’2 (inç) dhe është i veshur me një kapelë të zezë bejsbolli dhe një xhup të zi. Për herë të fundit u pa duke shkuar drejt perëndimit në Hempstead Turnpike. Ju lutemi telefononi menjëherë 911 nëse keni ndonjë informacion”, tha policia, shkruan tch.

Dëshmitarët thanë se viktima ishte një punonjës 49-vjeçar i dyqanit dhe të shtënat ndodhën brenda një zyre të një menaxheri, lart katit të dyqanit.

SHBA në javët e fundit është tronditur nga disa raste të shtënash me profil të lartë.