Përmbysen hetimet, vrasësi i 20-vjeçares në Greqi po dyshohet të jetë bashkëshorti i saj
Charalambos Anagnostopoulos, burri i 20-vjeçares Caroline Crouch, është sipas informacionit në dispozicion të policisë dhe që konsiderohet i mjaftueshëm, vrasësi i saj.
Përmbysja që sjell pilotin nga pozicioni i burrit dhe babait të shkatërruar në pozicionin e të akuzuarit për një nga rastet më famëkeqe të vrasjeve të viteve të fundit, e lë publikun pa fjalë.
Të dhënat që sipas policisë vërtetojnë fajësinë e pilotit 32-vjeçar vijnë kryesisht nga analiza me ndihmën e teknologjisë së të dhënave nga kamera, celularët e çiftit, por edhe ora biometrike e 20-vjeçares që tregoi kohën reale të vdekjes e cila nuk përkonte me atë që kishte dëshmuar Babis Anagnostopulos.
Akuza filloi dje, kur policia, duke pasur të dhënat e reja në dispozicion, i kërkoi Babis Anagnostopulosit të kthehej në Athinë nga Alonissos për t’u rihetuar, bazuar në të dhënat e reja.
Për të mos treguar se sa serioze ishin këto fakte dhe për ta “trembur”, ata pranuan kërkesën e tij për të qëndruar një ditë tjetër në Alonissos, në mënyrë që të ishin të pranishëm në shërbimin përkujtimor për Carolinen.
Pas shërbimit përkujtimor, siç bëri të ditur zëdhënësi i policisë Apostolos Skrekas, në njoftimet e emergjencës pak pas pesë e gjysmë këtë pasdite, piloti u mor me anije dhe u dërgua në Skiathos dhe prej andej me helikopter në Athinë.
Nga ajo kohë – “herët në mëngjes”, tha Skrekas – ai dëshmoi në katin e 11-të të GADA, në Departamentin e Vrasjeve. Sidoqoftë, përgjigjet e tij nuk janë bindëse në lidhje me provat e mjaftueshme të fajit në dispozicion të policisë.
Më herët u raportua se 20-vjeçarja, Carolina, kishte siguruar jetën e saj për shifrën marramendëse të 1.000.000 euro.
Dyshimet e autoriteteve fillimisht ishin te bashkëshorti pasi ishte pikërisht ai që njoftoi policinë, por që vetë nuk kishte pësuar asnjë lëndim.
20-vjeçarja, sipas raportimeve të mediave greke, ishte vrarë më 11 maj në prani të foshnjës së saj 11-muajshe.
Anagnostopoulos në një moment i kishte thënë Policisë se e kishte njohur gjuhën e vrasësve dhe se ata po flisnin shqip. Mediat në Greqi patën raportuar se i dyshuar është një shqiptar, të cilin e quanin “shqiptari urrejtës i grave”. /Shekulli, Oranews & agjencitë e huaja