Infektuar: 38431
Shëruar: 23754
Vdekur: 989
Biznesi i Kosovës, lider në portin e Durrësit

Biznesi i Kosovës, lider në portin e Durrësit

Ekonomia October 28, 2020 - 10:35

Një delegacion i Aleancës Kosovare të Bizneseve, i kryesuar nga kryetari Agim Shahini, ka vizituar Portin industrial të Durrësit, i njohur me emrin “PortoRomano”, ku u prit nga përfaqësuesi i korporatës 'Shell Kosova", Lulëzim Kryeziu, në deponitë e kësaj Korporate në këtë port.

Kryetari Shahini tha se është tepër i kënaqur që është prezent në arritjen e anijes JENNY I VALLETA me të madhe në këtë port, e gjatë 174 metra dhe e gjerë 38 metra me një sasi 36 milionë litra të derivateve të naftës dhe ky sukses i atribuohet "Shell Kosovës".

“Ne mburremi më këtë korporatë kosovare si model i investimeve dhe deponive në këtë hapësirë që jep një siguri për qytetarët dhe konsumatorët e Kosovës dhe më gjerë se do të kemi sasi dhe kualitet të mjaftueshëm të derivateve të naftës pavarësisht situatave të krijuara edhe nga krizat e ndryshme por edhe nga pandemia Covid 19”, tha Shahini.

Kreu i AKB-së shtoi se tradita shumëvjeçare e kësaj korporate është model në Ballkan dhe ky është sukses i të ndjerit biznesmenit të njohur global Latif Kryeziut, i cili ka trasuar një rrugë të mbarë për ju dhe mbarë Kosovën në këtë sektorë.

Lulëzim Kryeziu, nga "Shell Kosova", tha se vizita e AKB-së na inkurajon neve që të investojmë edhe më tutje ne tregjet mbarë shqiptare, për t'u ofruar gjithmonë sasi dhe kualitet të sigurt për të gjithë klientët tanë, të cilët i falënderoj që kanë besimin në "Shell Kosova".

“Investimet dhe punësimet në kompaninë tonë do të vazhdojnë edhe më tutje dhe për këtë dua t'i falënderoj familjen, babin tim të ndjerë Latif Kryeziun, i cili ishte motiv i familjes, stafit dhe i partnerëve në Kosovë dhe anekënd botës dhe ne jemi duke vazhduar rrugën e tij, duke i angazhuar e gjithë familjen, por edhe punëtorët, të cilët po japin maximumin që Korporata jonë të arrijë suksese të reja në fushën e derivateve dhe ndërtimit, hotelerisë dhe restoranteve në gjithë vendin”, tha Kryeziu.

Image

Image

Image

Image