Rizvanolli për krizën energjetike: S’ka vend për panik, t’i ikim ngrohjes me rrymë gjatë dimrit

Rizvanolli për krizën energjetike: S’ka vend për panik, t’i ikim ngrohjes me rrymë gjatë dimrit

Ekonomia October 20, 2021 - 12:54

Ministrja e Ekonomisë Artane Rizvanolli, tha se furnizimi i qytetarëve me energji elektrike nuk varet shumë nga eksport, prandaj edhe nuk ka vend për panik sa i përket shtrenjtimin të rrymës për qytetarët.

Rizvanolli në “Fol hapur”, debat i organizua nga Lëvizja fol shtoi se kriza energjetike pritet që të vazhdojë deri në qershor të viti të ardhshëm.

Madje ajo ka ftuar qytetarët që të kursejnë energjinë elektrike dhe të evitojnë ngrohjen me rrymë gjatë dimrit, kur edhe rritet konsumi, raporton EO.

“Ne nuk mbështetemi krejt në eksport, nuk ka vend për panik, jemi në konsultim më të gjithë dhe po shohim çka po bëjnë edhe shtet të tjera. Ne nuk mund të prekemi aq shumë, dimrit importi rritet, kriza pritet të vazhdojë deri në qershor të vitit të vjetër”.

“Sa më shumë që importojmë kjo do të reflektohet në tarifa gjatë vitit vijues. Të kursejmë energji, gjatë viti tjetër do të ketë ndikim, tarifat rishikohen në prill, t’i ikim ngrohjes me energji gjatë këtij dimri”.