![Policia e konfirmon arrestimin e “Currit” bashkë me dy të tjerë](/uploads/zeri.info/images/2019/May/19/auto_auto_LAJMI-I-FUNDIT15380330381558294123.png)
Policia e konfirmon arrestimin e “Currit” bashkë me dy të tjerë
Drejtoria për Hetimin e Krimeve Ekonomike dhe Korrupsion ka zhvilluar një operacion policor në disa lokacione.
Një operacion i tillë është kryer edhe në lagjen “Marigona” nga ku Express mësoi se u arrestuan Ismet Osmani, i njohur si “Curri” i cili është pronar i disa kazinove në Kosovë, Ilir Bojku dhe Mentor Maqani.
Ndërsa, në arrati vazhdon të jetë Rrahim Hashimi, ish i akuzuari për rastin e “Sekserëve”, bashkë me Emin Beqirin, ish-shefi i krimeve ekonomike.
“Mund të konfirmojmë se, Drejtoria për Hetimin e Krimeve Ekonomike dhe Korrupsionit, pas një hetimi të gjatë, është duke e realizuar një operacion policor i cili përfshin disa lokacione”, tha Policia e Kosovës për Express.
Gjithashtu, njoftuan se pas përfundimit të operacionit policor, mund të dalin me informacione shtesë.