I digjet shtëpia, familja 7 anëtarëshe nga Obiliqi mbeten pa kulm mbi kokë
Policia e Kosovës ka njoftuar se mbrëmë një person nga Obiliqi, saktësisht nga fshati Plemetin ka lajmëruar policinë pasi që shtëpia e tij është përfshirë nga zjarri.
Viktima nga komuniteti ashkali ka raportuar se derisa ka qenë duke fjetur shtëpia e tij është përfshirë nga zjarri.
Në vendin e ngjarjes kanë dalë njësitë policore dhe zjarrfikësit që e kanë lokalizuar zjarrin.
Nuk raportohet për të lënduar, derisa nuk dihet vlera e dëmit. Shtëpia ndërkaq është djegur në tërësi dhe tani është e pabanueshme.
Sipas policië, viktima së bashku me familjen gjashtë anëtarshme janë strehuar te te afërmit, dhe shkaku i zjarrit nuk dihet ende.
“Viktima mashkull K/Ashkali ka raportuar derisa kanë qenë duke fjetur, shtëpia e tij e banimit është kapluar nga zjarri. Në vendin e ngjarjes kanë dalë njësitë policore si dhe zjarrfikësit të cilët e kanë lokalizuar zjarrin. Nuk raportohet për të lënduar, ndërsa vlera e dëmit nuk dihet, por shtëpia është djegur dhe tani është e pabanueshme. Viktima së bashku me familjen gjashtë anëtarëshe është strehuar tek të afërmit e tij. Për momentin nuk dihet shkaktari i zjarrit”, shkruhet në raport të policisë.