Historia e ngacmimit seksual të nxënëses nga mësuesi 62-vjeçar

Historia e ngacmimit seksual të nxënëses nga mësuesi 62-vjeçar

Kronika nëntor 15, 2019 - 16:48
Lexoni detajet

“Isha bashkë me një shoqe dhe po pastronim shkollën. Duke pastruar, më thotë mësuesi: Lerja leckën shoqes dhe hajde pak në klasë. Më tha,- Kur ta bëja me shenjë, përse nuk dilje jashtë? E pyeta – pse të dilja? Po nuk dole më, do të të vë 4,- tha ai dhe më puthi. Unë ika”.

Kështu nisi historia e ngacmimit seksual të mësuesit Neshat Tepelena ndaj nxënëses së tij, për të cilin u dënua me tre vjet e gjashtë muaj burg nga Gjykata e Gjirokastës.

Në prill të 2018-ës, 62-vjeçari Tepelena u denoncua publikisht nga ish-nxënësja e tij në shkollën 9 vjeçare “Ali Hajdini”, të fshatit Kalasë të Delvinës. Vajza pretendonte se mësuesi i kishte bërë presion për notën dhe më pas e kishte puthur në buzë.

Ngacmimi seksual u mbajt i fshehtë prej dy muajsh për shkak të paragjykimeve. Ishte nëna e vajzës ajo që e ka bërë publik rastin abuzues. Ajo fillimisht nuk ka dashur që historia të bëhej publike për shkak të paragjykimeve.

Të gjendur përballë refuzimit të vajzës për të shkuar në shkollë, prindërit kanë denoncuar mësuesin 60-vjeçar, raporton “abc”.

Në qershor të 2018-ës Neshat Tepelena u lirua nga burgu. Në seancën e rivlerësimit të masës së sigurisë, Prokuroria kërkoi burg pa afat deri në daljen e analizave, por trupa gjykuese vendosi vetëm detyrim paraqitje për mësuesin.

Sipas banorëve të fshatit Kalasë, mësuesi ka qenë i përfshirë në ngjarje të tilla edhe më herët, në një rast madje çështja shkoi deri në Drejtorinë e Arsimit, por kaloi vetëm me vërejtje.