Gjendet e vdekur një 39 vjeçare, brenda një shtëpie në Prishtinë

Sipas policisë, bëhet fjalë për një femër të moshës 39 vjeçare.

“Sot rreth orës 15:00, policia ka marrë informatën se në rrugën “Demë Ahmeti”, në Prishtinë, saktësisht në një shtëpi, gjendet një person pa shenja jete.Me të marrë informatën policia ka dalë në vendin e ngjarjes me ç’rast ka hasur viktimën femër M.I 39 vjeç, e cila ishte pa shenja jete”, ka thënë për Indeksonline, Flora Ahmeti, zëdhënëse e Policisë së Kosovës në Rajonin e Prishtinës.

Tutje ajo ka shtuar se vdekjen e viktimës e ka konstatuar në vendin e ngjarjes ekipi mjekësor.

“Me vendim të prokurorit të shtetit, trupi i pajetë i viktimës është dërguar për obduksion, ndërkohe që njësitet policore janë duke u ndërmarrë te gjitha veprimet e nevojshme ne përpjekje për te ndriçuar dhe sqaruar plotësisht rrethanat ne te cilat ka ndodhur ky rast i cili është cilësuar si vdekje e dyshimtë”, ka thënë Ahmeti.