Rritet numri i parave të falsifikuara, pesë vetëm gjatë ditës së djeshme
Kronika
September 24, 2020 - 11:35
Pesë raste të parave të falsifikuara janë raportuar gjatë ditës së djeshme në Kosovë.
Në Fushë-Kosovë një grua ka raportuar se gjatë verifikimit të parave të deponuara ka hasur në një kartëmonedhë, që dyshohet të jetë e falsifikuar.
Po ashtu një grua tjetër nga komuna e Fushë-Kosovës ka raportuar se ka pranuar një kartëmonedhë të falsifikuar.
Ndërkaq, dy raste të njëjta janë raportuar edhe në komunën e Lipjanit e një në Prizren.
Sipas Policisë, të gjitha monedhat e dyshuara janë konfiskuar dhe rastet janë nën hetime. /Zëri