Alarm për bombë në shkollën “Xhevdet Doda” në Prishtinë

Alarm për bombë në shkollën “Xhevdet Doda” në Prishtinë

Kronika May 18, 2022 - 12:04

Një alarm për një shpërthim të mundshëm në shkollën “Xhevdet Doda” në Prishtinë ka alarmuar Policinë.

Kjo shkollë ka pranuar një kërcënim të tillë përmes një e-maili, transmeton Zeri.info.

Policia ka bërë të ditur se është në vendin e ngjarjes dhe ka evakuuar nxënësit në një perimetër të caktuar.

“Sot rreth orës 11:00 është pranuar informata për dyshimet që ndërlidhen me një shpërthim të mundshëm në shkollën ‘Xhevdet Doda’ në Prishtinë. Informacionet e para flasin se kanosja e dyshimtë ka ardhur përmes postës elektronike. Policia menjëherë ka dalë në vendin e ngjarjes dhe ka nisur ndërmarrjen e veprimeve operative të nevojshme për të menaxhuar me situatën në atë zonë. Ndërkohë që në një perimetër të caktuar policia ka evakuuar nxënësit dhe personelin e shkollës, specialist të policisë po trajtojnë dhe verifikojnë informatën”, ka thënë zëdhënësja e Policisë për rajonin e Prishtinës, Flora Ahmeti. /Zëri