Shpallet në kërkim një serb i dyshuar për krime lufte në Kosovë

Një serb është shpallur në kërkim nga Policia e Kosovës nën dyshimin se ka kryer krime lufte kundër popullsisë civile.

I kërkuari është Slavisha Filiq, ndërsa Policia ka kërkuar nga qytetarët që kushdo i cili ka informacion për vendndodhjen e personave të dyshuar në foton e bashkangjitur të lajmërojë Policinë e Kosovës ose të lajmërohet në stacionin më të afërt policor.

Njoftimi i plotë i Policisë:

Kërkesë për shpallje në kërkim të të pandehurit

Sektori për Hetimin e Krimeve të Luftës, bazuar në ligj 06-L091, i ndryshuar dhe plotësuar në KPP në ligjin 04-L123, Neni 346/A pika 4.3. pas dështimit të arritjes së qëllimit, sipas paragrafit 4.1. dhe 4.2 publikon urdhër për shpalljen në kërkim të të pandehurit

Personat e shpallur në kërkim:

1. Filiq (Vojislav) Slaviša - dl. 25.07.1963

I pandehuri është duke u kërkuar për veprën penale:

Krime lufte kundër popullsisë civile.

Policia e Kosovës kërkon nga qytetarët e Republikës së Kosovës që kushdo që ka informacion për vendndodhjen e personave të dyshuar në foton e bashkangjitur, të lajmërojë Policinë e Kosovës apo të lajmërohet në stacionin më të afërt policor.

Numrat e telefonit dhe adresat elektronike kontaktuese për të kontaktuar Policinë e Kosovës:

- 192 dhe 080019999 (pa pagesë)

- Sektori për Hetimin e Krimeve të Luftës, tel. 044 220 106

- Qendra Operative – DDP, tel. 044 500 404

- E-mail adresa: [email protected].