Policia e Kosovës kërkon ndihmë për kapjen e Noizyt dhe Bahtjar Bajraktarit

Drejtoria Rajonale e Policisë në Pejë, bazuar në ligjin për publikimin e fotos me shënime tjera të personit të kërkuar më autorizimin e Prokurorisë themelore në Pejë, me qëllim lokalizimin dhe rrjedhimisht arrestimin e tyre, lëshon: Kërkesë për bashkëpunim me qytetarët.

Personat e  kërkuar janë: Rigels (Bashkim) RAJKU  i lindur me 27.09.1986 në Durrës-Shqipëri dhe Bahtjar (Shasivar) BAJRAKTARI   i lindur me 22.05.1992 në Samadrexhë-Prizren.

Policia njofton se të pandehurit kërkohen për veprën penale: Lëndim i rëndë trupor.

“Policia e Kosovës kërkon nga qytetarët e Republikës së Kosovës që kushdo që ka informacion për vendndodhjen e personave të dyshuar në fotot e bashkangjitura, të lajmërojë Policinë e Kosovës apo të lajmërohet në stacionin më të afërt policor. Numrat e telefonit dhe adresat elektronike kontaktuese për të kontaktuar Policinë e Kosovës: 192 dhe 080019999 (pa pagesë), 039 432 327-Drejtoria Rajonale Pejë, E-mail adresa: [email protected]”, apleon policia.