Gjendet i vdekur një i mitur në Prizren, Policia po heton rastin

Një i mitur është gjetur pa shenja jete nga familjarët e tij në fshatin Reqan të Prizrenit.

Policia ka bërë të ditur se viktima është dërguar në Spitalin e Prizrenit, ku mjeku ka konstatuar vdekjen e tij.

Rasti është cilësuar si ‘vdekje e dyshimtë”, transmeton Zeri.info.

“Fsh.Reqan, Prizren 28.11.2025-20:30. Raportohet se nga familjaret është gjetur pa shenja jete viktima mashkull kosovar, i mitur. Viktima është dërguar në Spitalin e Prizrenit, ku mjeku kujdestar ka konstatuar vdekjen e viktimës. Me vendim të prokurorit, trupi i pa jetë është dërguar në IML për obduksion”, thuhet në raportin e plotë të Policisë. /Zëri