Pajtim Statovci fiton çmimin më të lartë për letërsi në Finlandë

Pajtim Statovci fiton çmimin më të lartë për letërsi në Finlandë

Kultura nëntor 29, 2019 - 10:28

Autori kosovar në Finlandë, Pajtim Statovci, ka rrëmbyer çmimin më të lartë të Finlandës për trillime. Çmimet më prestigjioze të librave në Finlandë për letërsinë fiktive, jofiktive dhe për letërsinë për të rinj u dhanë nga Fondacioni i Librit Finlandez (Suomen Kirjasäätiö) në Helsinki të mërkurën pasdite në teatrin “Bio Rex”.

Çmimi për fiksion shkoi për veprën “Bolla” (Otava), të cilën juria e quajti “një roman tronditës dhe prekës, që magjeps me fuqinë e tij të shprehjes”. Libri është vendosur pjesërisht në Kosovë, vendi i lindjes së Statovcit. Autori u zhvendos në Finlandë kur ishte vetëm dy vjeç.

Fituesi u zgjodh nga drejtoresha e përgjithshme e Yles, Merja Ylä-Anttila. Statovci ka marrë kritika të furishme për punën e tij në të gjithë botën, duke përfshirë një nominim të kohëve të fundit për çmimin prestigjioz kombëtar të librit për romanin e tij të dytë “The Crossing”.Zëri