Omëletë me salmon dhe brokoli

Përbërësit:

500 g patate të vogla

1 kokë e vogël brokoli

2 fileta salmon

1 lugë gjelle vaj ulliri

2 lugë gjelle nenexhik i grirë

8 vezë të rrahura

Kripë

Piper i bluar

Përgatitja:

Ziejmë patatet në ujë me kripë për rreth 15 minuta ose derisa të përgatiten. Në 4 minutat e fundit shtojmë dhe brokolin. I kullojmë sapo të jenë gati. Gatuajmë salmonin në avull derisa të bëhet në tërë trashësinë e tij. Presim patatet në feta dhe i skuqim në vaj ulliri, në një tigan të përshtatshëm dhe për furrë, në zjarr të mesëm, derisa të fillojnë të marrin ngjyrë. Copëtojmë salmonin me duar dhe e shpërndajmë bashkë me brokolin mbi patatet.

Përziejmë vezët me nenexhikun, pak kripë dhe piper. I shtojmë vezët në tigan dhe i lëmë të gatuhen për rreth 6 minuta ose derisa të mpiksen anash dhe të jenë akoma të buta në qendër.

E fusim tiganin në furrë të nxehtë në 200 gradë dhe e lëmë derisa të bëhen plotësisht vezët dhe të krijojnë kore. E shërbejmë omëletën të shoqëruar me sallatë sipas dëshirës. 

Mesatare                       100 min.

/Zëri