Infektuar: 4715
Shëruar: 2227
Vdekur: 101
Dobësimi ndihmon te mospërmbajtja urinare

Dobësimi ndihmon te mospërmbajtja urinare

Lifestyle June 01, 2020 - 23:35

Mospërmbajtja urinare - lëshimi i pavullnetshëm i urinës, që prek një numër të konsiderueshëm të njerëzve, mund të shmanget me anë të uljes së masës trupore, bëjnë të ditur studimet e fundit.

Obeziteti është faktori më me ndikim i rrezikut dhe e përkeqëson gjendjen e personit që vuan nga pamundësia për të kontrolluar urinimin, pasi kilogramët e tepërta bëjnë më shumë presion në fshikëzën e urinës.

Në hulumtimin e fundit kanë marrë pjesë 338 gra të cilat kanë pasur indeks të masës trupore më të madh se 25 kg/m2.

Të eksperimentuarat kanë marrë pjesë në një program dobësimi, i cili ka zgjatur gjashtë muaj dhe falë uljes së masës trupore prej 8% në javë, episodi i mosmbajtjes urinare është ulur për 47%, transmeton Telegrafi.

Mospërmbajtja urinare mund të ndikojë në cilësinë tuaj të përgjithshme të jetës. Nëse jetonit një jetë aktive dhe shumë shoqërore para se të përjetonit mospërmbajtje urinare, por nuk dëshironi të dilni për shkak të frikës nga një aksident i turpshëm, kjo jo vetëm që ndikon në shëndetin tuaj mendor, por edhe në mirëqenien tuaj fizike.

Image

Kjo mund të çojë në shtim në peshë, gjë që mund të përkeqësojë mosmbajtjen e urinës, pasi pesha shtesë vendos presionin në uretër.

Nëse jeni të shqetësuar për mosmbajtjen e urinës në punë, kjo mund të ndikojë në produktivitetin tuaj. Mund të ketë gjithashtu një ndikim në marrëdhëniet personale kur përpiqeni të fshehni gjendjen nga partneri juaj ose anëtarët e familjes.