Pse disa bebe fitojnë peshë ngadalë edhe kur ushqehen me gji?

Shumë bebe që ushqehen me gji fitojnë peshë të qëndrueshme dhe sipas pritshmërive, por në disa raste shtimi në peshë mund të jetë më i ngadalshëm.

Sipas burimit Very Well Family, kjo nuk është gjithmonë arsye për shqetësim, për sa kohë që bebja ushqehet rregullisht dhe kontrollohet vazhdimisht nga mjeku pediatër.Është normale që një i porsalindur të humbasë deri në 10% të peshës së lindjes gjatë javës së parë, por zakonisht e rifiton brenda dy javësh. Pas kësaj periudhe, bebet me gji shtojnë gradualisht peshë çdo ditë gjatë tre muajve të parë të jetës.

Megjithatë, ekzistojnë disa arsye pse një bebe mund të mos marrë mjaftueshëm qumësht gjiri dhe të mos shtojë peshë siç duhet. Ndër to përfshihen:

Ushqyerja e rrallë – të porsalindurit duhet të ushqehen çdo 2-4 orë gjatë ditës dhe natës, sidomos në gjashtë deri tetë javët e para.

Koha e shkurtër e gjidhënies – bebet kanë nevojë të ushqehen 8-10 minuta nga secila anë për të marrë mjaftueshëm qumësht.

Siklet ose dhimbje – probleme si dëmtimet gjatë lindjes ose infeksionet (p.sh. kërc në gojë) mund ta pengojnë bebën të ushqehet si duhet.

Furnizimi i ulët i qumështit – disa nëna përjetojnë vonesë ose sasi të pamjaftueshme të prodhimit të qumështit, gjë që ndikon drejtpërdrejt në shtimin e peshës së fëmijës.

Ekspertët theksojnë se çdo fëmijë ka ritmin e vet të rritjes dhe se monitorimi i rregullt mjekësor është thelbësor për të siguruar zhvillim të shëndetshëm. /Gazeta Shneta