“Mbreti” i Instagramit i vë syrin kanabisit britanik

“Mbreti” i Instagramit i vë syrin kanabisit britanik

Showbiz July 18, 2019 - 23:50
Lexoni detajet

I vetëquajturi “mbret i Instagramit” për shkak të famës së menjëhershme që mori në rrjetin social, Dan Bilzerian, milioneri amerikan që poston foto i rrethuar me femra, me makina të shtrenjta dhe armë, po synon të kapë tregun britanik të kanabisit.

Kompania e tij “Ignite” është duke u zhvilluar kënaqshëm në SHBA dhe në Kanada, por tregu i ri po njeh rritje gjithandej, ndaj Bilzerian po jep përpjekje maksimale dhe serioze për t’u vendosur sa më fort.

Lënda që ai tregton quhet CBD (kanabidiol). Ajo konsumohet me cigare me ngrohje elektronike, por nuk ka efektet e dehjes që shkakton kanabisi që tymoset tradicionalisht. Megjithatë, shumë përdorues kanë thënë se CBD u ka dhënë efekte qetësuese për dhimbje të ndryshme si dhe u ka lehtësuar krizat e ankthit.

Tregu në fakt është nga zërat që po rriten më shpejt në ekonominë perëndimore. Edhe pse shumë vende e kanë ende të ndaluar, kanabisi i ligjshëm ka njohur një rritje vjetore prej 45%. Për krahasim, produktet më të zakonshme, si pijet freskuese, ushqimet e paketuara, apo mallrat e kujdesit personal, janë rritur vetëm me nga 3% secili. Pijet alkoolike me 1.4% dhe duhani me 1.2%. /Tch

Image