Egli Tako kërkon të rikthehet në shtëpinë e “Big Brother VIP”: Dua të ve në vend dinjitetin tim

Këngëtarja Egli Tako është rikthyer sërish në skenën e Big Brother VIP Albania gjatë spektaklit ‘Prime’ të së shtunës, pas largimit të saj vullnetar disa ditë më parë për arsye shëndetësore.

Në studion e spektaklit, Egli ndau me publikun dhe opinionistët detaje mbi gjendjen e saj dhe arsyet që e çuan të largohej përkohësisht nga gara.

Ajo pranoi se përjetoi një gjendje të rënduar shëndetësore, e cila e detyroi të merrte një vendim të vështirë për ta lënë shtëpinë, por theksoi se tashmë ndihet më mirë dhe është gati për të vijuar rrugëtimin e saj.

“Ka qenë një periudhë e vështirë për mua, por tani ndihem më e fortë dhe pse jo, do të doja të kthehesha sërish në shtëpinë e Big Brother,” u shpreh Egli në studio.

Rikthimi i saj ka ngjallur diskutime mes publikut dhe banorëve, ndërsa mbetet për t’u parë nëse produksioni do t’i japë mundësinë të hyjë përsëri në shtëpinë më të famshme në Shqipëri.