Zyrtare: Vëllaznimi emëron trajnerin e ri pas largimit të Ismet Munishit
Vëllaznimi i Gjakovës ka vendosur për trajnerin e ri pas largimit të Ismet Munishit, raporton Zëri.info.
Drejtimin e skuadrës e ka marrë trajneri Blerim Mula i cili ditë më parë u emërua drejtor i Akademisë së klubit.
Lajmi konfirmohet nga klubi gjakovar. “Pas shkëputjes së bashkëpunimit, me marrëveshje, me trajnerin Ismet Munishi, kryesia e Klubit Vëllaznimi ka emëruar Blerim Mulen udhëheqës të shtabit teknik.
Mula do ta udhëheqë skuadrën deri në fund të kampionatit. Bashkëpunëtorët e tij vazhdojnë të jenë ata që ishin edhe të Munishit. Suksese Blerim Mula”, ka njoftuar klubi i Vëllaznimit në rrjetin social Facebook.
Mula edhe vite më e ka drejtuar Vëllaznimin.
Ai ka përvojë si trajner edhe në Turqi.
Munishi i ndau rrugët me klubin e Vëllaznimit të mërkurën më mbrëmje, në një kohë vendimtare të sezonit për synimet e klubit, pas humbjes turpëruese në shtëpi 4:0 nga Trepça ’89.
Vëllaznimit garon në Ligën e Parë.
Klubi gjakovar është duke luftuar për t’u rikthyer në Superligë dhe ndodhet në zonën e play-off, me vetëm gjashtë pikë larg vendit të dytë, vendit të promovimit direkt në ligën elitare kosovar. /Zëri.info