Edon Zhegrova arrin në Prishtinë
Edon Zhegrova e ka përmbyllur një edicion mjaft pozitiv me skuadrën e Baselit në Zvicër.
Futbollisti i Kosovës vendosi të largohej nga Genk në janar për t'u huazuar te Baseli për një edicion e gjysmë, shkruan Zëri.info.
Pavarsisht se nuk e ka fituar ende besimin e trajnerit Marcel Koller për vendin e titullarit, Zhegrova ka bërë paraqitje mahnitëse për skuadrën zvicerane.
Në Superligën zvicerane, ish-futbollisti i FC Prishtinës dhe Flamurtarit është paraqitur në tetë ndeshje.
Ndërkaq, në Kupën e Zvicrës është paraqitur në një ndeshje, ku skuadra e tij triumfoi në finale.
Zhegrova është njëri prej futbollistëve të ftuar nga trajneri Bernard Challandes për dy ndeshjet e muajti qershor.
Në qershor, Kosova përballet me Malin e Zi dhe Bullgarinë në kuadër të eliminatoreve për Kampionatin Evropian "Euro 2020".
Dhe tashmë futbollisti 20-vjeçar ka arritur në Prishtinë, derisa ka publikuar edhe një video duke bërë shëtitje në qytet me veturën e tij./Zëri.info
