Vedat Muriqi, debutim ëndrrash te Fenerbahce

Vedat Muriqi, debutim ëndrrash te Fenerbahce

Sport July 19, 2019 - 20:18
Detajet

Muriqi ka shënuar dy gola në debutim te Fenerbahce, që e mposhti 2-0 në miqësore Bursasporin.

Sulmuesi i Kombëtares së Kosovës, Vedat Muriqi, ka debutuar në mënyrën më të mirë të mundshme te klubi i ri, Fenerbahce,

Futbollisti i “Dardanëve”, që ditë më parë kompletoi transferimin nga Rizespor, ka realizuar dy herë në miqësoren kundër Bursaspor, të cilën Fenerbahce e fitoi 2-0.

Muriqi, fillimisht shënoi në fund të pjesës së parë, për rezultatin 1-0.

Kurse për të treguar se Fenerbahce ka bërë një goditje të madhe, duke ia rrëmbyer atë Galatasarayt, që gjithashtu u interesuar për shqiptarin, realizoi një tjetër gol në pjesën e dytë.

Me anë të një goditjeje të fuqishme, tipike të një sulmuesi vrasës para portës, Muriqi shënoi për 2-0 me të filluar pjesa e dytë, në minutën e 51’, që doli të jetë rezultati përfundimtar i kësaj miqësoreje.

Muriqi tregoi se është transferim i qëlluan për Fenerbahcen, dhe se mezi pret startin e sezonit në Superligën e Turqisë