Flet gjilanasi që gjunjëzoi Dritën

Flet gjilanasi që gjunjëzoi Dritën

Sport gusht 18, 2019 - 19:53

Ferizaj e ka befasuar Dritën, duke e mundur në udhëtim 1:0.

“Ujqit” kanë fituar sfidën e parë me një gol nga ish-i i Dritës, Filonit Shaqiri të shënuar në minutën e 92-të.

Ish futbollisti dhe trajneri i Dritës, Bekim Isufi, tashmë trajneri i Ferizajt, përgëzoi futbollistët për angazhimin.

“Futbolli nganjëherë është i paparashikueshëm. Skuadra ime dha maksimumin, ndërsa Drita na nënvlerësoi dhe gaboi”, deklaroi Isufi për “Supersport”.

“Ekipi ynë ishte shumë i motivuar, nganjëherë nuk është faktor përgatitja, por përkushtimi maksimal në fushë”.

“Në tri ndeshjet e para, kemi kërkuar t’i marrim tri pikë, që i morëm që në ndeshjen e parë. Kjo s’do të thotë që tani do të pushojmë. Do të japim maksimumin në të gjitha ndeshjet”, shtoi ai.