Tifozit anglez i humbi kuleta me 500 funte në Prishtinë, kjo që i ndodhi më pas është thjesht e mrekullueshme
Ndeshja mes Përfaqësueses së Kosovës dhe Anglisë në mbrëmjen e së dielës ishte e fundit për të dyja skuadrat në ciklin eliminator të Kampionatit Evropian ‘Euro 2020’.
Në ndeshjen e zhvilluar në ‘Fadil Vokrri’, fitorja i takoi Anglisë e cila fitoi me rezultat të thellë 0:4, shkruan Zëri.info.
Megjithatë, rezultati nuk ishte në plan të parë për shkak se tashmë Anglia e kishte siguruar kualifikimin, dhe Kosova e kishte shuar ëndrrën nga cikli eliminator.
Ndërkohë, mikpritja që shqiptarët ia bën tifozëve të Anglisë dhe futbollistëve ishte thjesht mahnitëse.
Një tifozit anglez me emrin Simon Bruce i kishte ndodhur një ngjarje e pazakontë.
Ai ka bërë me dije në rrjetin social ‘Twitter’, se i kishte humbur kuleta me 500 funte në të si dhe me kartat e kreditit.
“Më humbi kuleta në rrugën kryesore të Prishtinës, por djaloshi që e pa erdhi nga kafeneja dhe më ktheu atë pa marrë asgjë. Sinqerisht, Kosova është e madhe”, shkroi Simon Bruce në rrjetet sociale.
Tutje, ai tregoi edhe për shumën që kishte në kuletë.
Drop my Wallet in the main street in Pristina guy walks into the bar and returned it nothing taken , Kosovo Honestly is Massive #EnglandAway #EURO2020 #NUFC #koseng
— Simon Bruce (@scooterboy48) November 18, 2019
“Seriozisht, unë kisha 500 funte dhe kartat e kreditit, por asgjë nuk është marrë. Njerëzit në Kosovë janë më të mirët”, shtoi ai./Zëri.info